Tërmet në politikën gjermane. Shefja e partisë më të madhe gjermane CDU dhe njëherësh edhe pasardhësja e kancelares Angela Merkel, Annegret Kramp-Karrenbauer është dorëzuar.
Sipas informacioneve të SPIEGEL, Annegret Kramp-Karrenbauer, njëherësh edhe ministre e mbrojtjes në Gjermani, ka thënë përpara mbledhjes së CDU-së, se ajo nuk e meriton të jetë kandidate si kancelare.
“Unë do e dorëzoj drejtimin e partisë CDU,” citohet të ketë thënë Kramp-Karrenbauer, e cila njëherësh është edhe ministre e mbrojtjes.
Kjo ngjarja e papritur ka ardhur pasi para një jave si kryeministër i Thüringenit u zgjedh politikani Thomas Kemmerich (FDP), me ndihmën e votave të partisë së tij FDP, popullistëve të djathtë AfD dhe CDU.
Kjo solli reagime të shumta, për rrezikimin e demokracisë gjermane, duke kujtuar edhe vitin e largët 1930, ku partia naziste e Hitlerit, fitoi përherë të parë Thüringen-in, për të vijuar më pas me fitoret në të gjitha landet tjera.
Si pretedent për të udhëhequr partinë CDU, prej kohësh konkurrojnë Friedrich Merz dhe ministri i shëndetësisë Jens Spahn.
Kjo mund të sjellë edhe zgjedhje të parakohshme në Gjermani, ku partia e majtë SPD, ka paralajmëruar prishjen e koalicionit me CDU/CSU. Kjo automatikisht do çonte në zgjedhje të reja në Gjermani. Me çrast do ishte edhe fundi i Merkelit./Foldrejt.com
