Një tërmet me magnitudë 5.5 në resortin italian të Rimini është ndjerë në të gjithë Italinë qendrore dhe disa pjesë të Ballkanit.
Shtëpitë u tronditën për disa sekonda në bregdetin e Adriatikut dhe pati raportime për dëme të vogla, por jo viktima, shkruan BBC, transmeton Fol Drejt.
Shkollat u mbyllën në pjesë të rajonit qendror Marche dhe trenat u ndaluan rreth qytetit të Ankonës për shkak të dyshimeve për dëmtime të trasesë.
Zyrtarët italianë thanë se tërmeti ishte 8 km (5 milje) në thellësi.
Është ndjerë në Romë në perëndim dhe Bolonja në veri-lindje si dhe përtej Adriatikut në Slloveni, Kroaci dhe Bosnje-Hercegovinë.
Lëkundjet e para dhe më të forta në orën 07:07 (06:07 GMT) u pasuan nga një numër goditjesh më të vogla./FolDrejt/
