Prodhuesi kryesor turk i mjeteve ajrore pa pilot, Baykar, testoi me sukses të martën një model të ri të dronit luftarak, Bayraktar Akinci B.
“Bayraktar Akinci B takoi qiellin!”, tha Baykar në një postim në Twitter, transmeton Telegrafi.
Derisa modeli i mëparshëm, Akinci A, ka 900 kuaj fuqi (hp), modeli i ri i ka 1,500-hp nëpërmjet dy motorëve 750-hp.
Shefi i teknologjisë së Baykar, Selcuk Bayraktar, tha se Akinci B është UAV-ja e armatosur më e fuqishme dhe më e aftë për luftim për sa i përket klasit të tij në botë.
Menaxheri i përgjithshëm Haluk Bayraktar tha se Baykar përfundoi marrëveshjet e eksportit me dy vende.
Pas modelit Akinci B, modeli tjetër Akinci C me 1,900 kuaj fuqi së shpejti pritet të testohet, shtoi ai. /Telegrafi/
