Presidenti i Kosovës Hashim Thaçi ka kryer një intervistë me magazinën më të madhe të Europës “Der Spiegel” ku ka theksuar se është kategorikisht kundër “shkëmbimit të territoreve në baza etnike” dhe se “serbët dhe shqiptarët i ndan një lum i tërë nga gjaku”, përcjell ekskluzivisht foldrejt.com.
“Shkëmbimi i territoreve nuk ka qenë kurrë mbi tavolinë. Por unë kam qenë pro që territoret e banuara me shqiptarë në Luginën e Preshevës, Bujanovcës dhe Medvegjës të jenë më afër Kosovës me kufij të hapur, por pa ndryshuar as edhe për një centimetër kufijtë. Atje janë të diskriminuar shqiptarët nga serbët,” tha Thaçi, duke shtuar se për veriun e Kosovës nuk do jap asgjë kundrejt Serbisë pasi ata janë qytetarë të Kosovës dhe gëzojnë të gjithë të drejtat.
Gjithsesi Thaçi ka pranuar se është keq që përdallim nga mëpërpara, SHBA, Gjermania, Franca, Britania e Madhe dhe Italia nuk kanë mendime të njëjta për arritjen e Marrëveshjes mes Prishtinës dhe Beogradit.
Serbia të njoh gjenocidin kundër Kosovës
Më tutje presidenti Thaçi ka përmendur 13 mijë vrasjet, 400 masakrat, 20 mijë përdhunimet dhe 1300 fëmijët e vrarë nga ushtarët e Serbisë. Serbia duhet të njohë këtë gjenocid dhe të kërkojë falje.
Kur pyetet nga gazetarja e SPIEGEL, se raportet nuk janë të vështira vetëm mes Kosovës dhe Serbisë, por edhe mes shqiptarëve dhe serbëve, ai përgjigjet:
“Duhet të bëhet dallim mes serbëve të Serbisë dhe atyre në Kosovë. Me serbët e Kosovës kam bashkëpunim shumë të gjatë dhe konstruktiv. Shumica e tyre duan të integrohen me qetësi në shoqërinë e Kosovës, por një pjesë e tyre janë instrumentalizuar nga Beogradi. Shumë kanë presione dhe frikë. Në këtë pjesë BE duhet të mbajë qëndrim të qartë,” tha ai përcjell foldrejt.com.
Në fund Thaçi ka kundërshtuar paralelet mes krimeve të serbëve në Kosovë dhe të UÇK-së, duke thënë se “ne jemi viktimat e vërtetë dhe se kemi luftuar për liri”. Krime individuale mund të ketë pasur dhe për këtë është marrë edhe drejtësia kosovarë.
Pasi Europa nuk e sheh e bashkuar rreth kësaj, që të dallojë viktimën nga agresorët, “unë nuk shoh vizione të qarta për Ballkanin Perëndimor” e përmbylli fuqishëm deklaratën Thaçi./Foldrejt.com
