The Geopost: Beogradi po dëshmon se është Kuba e Ballkanit

Për ta dëshmuar sa më shumë “vëllanë e vogël”, në Beograd, është mbajtur një paradë në kujtim të 9 majit, Dita e Çlirimit nga Nazifashizmi, në pikëpamjen ruse.
Me “Putinin” dhe shkronjën Z, tashmë simbol i agresionit rus në Ukrainë, me këngë e himnin rus, Beogradi po dëshmon prej së vërteti që është “Kuba e Ballkanit” kur bëhet fjalë për ndikimin malinj rus.

Në këtë paradë morën pjesë struktura të larta shtetërore, niveli politik, ushtarak e nuk dihet se kush mungoi, perveç Preidentit të Serbisë Aleksandar Vuçiq, i cili në keso raste zakonishte delegon njerëzit e tij.

Ministri aktual i Mbrojtjes së Qeverisë së Serbisë, si zakonisht është në krye të këtyre aktiviteteve me sentiment te lartë pro-rus. Prapa Aleksandar Vulinit, gjendeshin njerëz me uniforma zyrtare ushtarake të Serbisë.

Turma përfshinte edhe Kryetarin e Parlamentit të Serbisë Ivica Daçiq, Ministren e Punës Daria Kisiq Tepavçeviq, Ministri pa Portofol Nenad Popoviq dhe të gjithë skeptikët tjerë për lidhjet më të ngushta të Serbisë me perëndimin.

Marshi u organizua nga shoqata “Regjimenti i Pavdekshëm”, në të cilin nuk mund të mungonte edhe ambasadori rus në Beograd, Borchan Kharchenko.