Futbollistëve të Arsenalit u kanë mbetur edhe dy ndeshje në një sezon që mund të ishte një përrallë, por një sërë rezultatesh të këqija kanë treguar se nuk do të ketë festë për titullin kampion të Anglisë, transmeton Klix, përcjell Fol Drejt.
Tingëllon disi i pabesueshëm fakti që tifozët e Arsenalit kanë paguar 53 mijë paund ose 60 mijë euro biletat për ndeshjen e xhiros së fundit kundër Wolverhampton vetëm dy muaj më parë, kur prisnin të festonin titullin e parë kampion pas 19 vitesh.
Në atë moment, Arsenali ishte tetë pikë përpara Manchester Cityt dhe skuadra e Mikel Artetës dukej se ishte në rrugën e tyre drejt titullit të parë që nga viti 2004.
Por Manchester City arriti të kompensojë të gjitha këto dhe ka katër pikë më shumë dhe është vetëm një fitore larg një trofeu të ri, i pesti në gjashtë vitet e fundit.
Tifozët, të dëshpëruar për të parë fitoren e titullit, paguan 60,000 euro secili për biletat për ndeshjen e fundit të Premier League kundër Wolverhampton.
Ajo ndeshje ishte caktuar për 28 maj dhe të gjithë tifozët e Arsenalit ishin të bindur për fitimin e titullit. Biletat janë paguar shumë kohë më parë dhe sipas mediave angleze çmimet në tregun e zi kanë shkuar deri në 60 mijë euro marramendëse.
Duke qenë se padyshim nuk do të ketë festë titulli, është e vështirë të imagjinohet se si ndihen sot tifozët që shpenzuan kaq shumë para për të blerë bileta. /FolDrejt/
