TikTok thotë se do të shkurtojë numrin e stafit rus pasi kompania pezulloi shërbimet kryesore për përdoruesit rusë në fillim të këtij viti, njoftoi agjencia e lajmeve RIA Novosti, duke cituar zyrën e shtypit të kompanisë, shkruan Al Jazeera.
“Këtë vit, ne u detyruam të merrnim një sërë vendimesh në lidhje me funksionimin e shërbimit tonë në Rusi dhe tani, për fat të keq, na është dashur të zvogëlojmë numrin e punonjësve në vend,” tha kompania në një deklaratë për RIA.
Aplikacioni i videove në pronësi kineze TikTok pezulloi transmetimin e drejtpërdrejtë dhe ngarkimet e reja në Rusi pasi Moska prezantoi censurë të rreptë të mediave të reja pas pushtimit të Ukrainës në shkurt./FolDrejt/
