Një trafikant droge qëlloi për vdekje një oficer policie, në Nju Meksiko të SHBA-ve, pasi isihte ndaluar për kontroll.
Polici, i identifikuar si Darian Jarrott, baba i tre fëmijëve, ndaloi trafikantin e drogës Omar Felix Cueva. “Mirëmëngjesi, zotëri. Unë quhem Darrian Jarrott dhe jam oficer policie në Nju Meksiko. Arsyeja e ndalimit janë xhamat e zinj”, u prezantua polici.
Në bisedë e sipër, e cila nuk zgjat më shumë se 3 minuta, oficeri i kërkon drejtuesit të automjetit që të shkonte te makina e policisë në mënyrë që të kryente kontrollin. Në këtë moment, Omar Felix Cueva del nga makina dhe qëllon barbarisht me një armë AR-15 në drejtim të oficerit, i cili bie menjëherë në tokë pas të shtënave, ndërsa Cueva largohet nga vendi i ngjarjes.
Policia bëri të ditur më pas se Cueva kishte një të kaluar problematike, ndërsa ishte i akuzuar edhe për shpërndarje droge. Një agjent i hetimeve të Sigurisë Kombëtare mbërriti në vendin e ngjarjes dhe kuptoi se Jarrott kishte ndërruar jetë.
Policia ndoqi Omar Felix Cueva për më shumë se 60 kilometra, kur ai shkëmbeu zjarr me oficerët dhe mbeti i vrarë, ndërsa një tjetër oficer policie mbeti i plagosur.
