Mediat greke kanë raportuar për tragjedinë, ndërsa kanë thënë se ngjarja tragjike ka ndodhur në Edessa të Greqisë, shkruan Fol Drejt.
Më saktësisht sipas këtyre raportimeve ngjarja e rëndë ka ndodhur në Edessa, në kilometrin e 87-të të rrugës Follorinë – Selanik.
Një veturë është përplasur drejtpërdrejtë me një kamion, ku kanë humbur jetën të pesë personat që gjendeshin në veturë.
Po sipas këtyre raportimeve, për t’i nxjerr viktimat është dashur ndërhyrja e zjarrfikësve.
I lënduar ka mbetur edhe shoferi i kamionit, i cili është dërguar në spital, por thuhet se ai është jashtë rrezikut për jetën.
Ende nuk dihet se si ka ndodhur ngjarja e rëndë.
Mediat greke raportojnë se ende nuk dihet identiteti i pesë shqiptarëve të vdekur.
Ajo çka dihet deri më tani është se vetura në të cilën ndodheshin, është me targa shqiptare.
Hetimet po vazhdojnë në zbardhjen e këtij rasti tragjik./FolDrejt/
