Erik ten hag duke i “dashuruar” me lojtarët holandez, të cilët vazhdimisht kërkon t’i ketë nën urdhrat e tij.
Këtë herë në radarët e Manchester United ka përfunduar futbollisti i Barcelonës. Bëhet fjalë për Mempis Depay, e ardhmja e të cilit në “Camp Nou” nuk është e sigurtë.
Me transferimin e Robert Lewandowskit e Raphinhas dhe me rinovimin e Ousman Dembele, katalansit janë të “mbingopur” me sulmues.
Depay pritet të jetë i sakrifikuari i madh në këtë repart dhe në këtë situatë kërkon të përfitojë Ten Hag, pasi dëshiron transferimin e holandezit në “Old Trafford”.
Barcelona është gati të pranojë një ofertë prej 20 milionë euro për ta lënë të lirë holandezin që ka kontratë me klubin deri në verën e vitit të ardhshëm.
Interesim për 28-vjeçarin kanë shprehur edhe skuadrat tjera angleze si Everton, Newcastle United, West Ham dhe Tottenham Hotspur.
Depay qëndroi një vit e gjysmë te Manchester United nga vera e vitit 2015 deri në janarin e vitit 2017. /abcnews.al/
