Shqipëria nuk është anëtare e BE, por jo të gjithë thesaret e saj mbeten të pashfrytëzuara. Turistët e huaj shtohen nga viti në vit. Tre përvoja aktuale nga një udhëtim në një vend që po ngrit turizmin, shkruan fillimisht një ndër mediat më të mëdha austriake Der Standard.
Në përvojën e parë ose arsyen e parë që duhet të vizitohet Shqipëria përmendet Elbasani i konfeksioneve të ndryshme – ku jetojnë të treja besimet për mrekulli. Në qytetin e themeluar në mesjetë nga osmanët, ndodhen të ndërthurura shumë periudha historike. Fjala vjen në kohën e komunizmit ky vlente si qyteti i industrisë.
“Shumica e shqiptarëve veshen si perëndimorët, megjithatë zëri i muezinit dëgjohet përsëri,” shkruan Der Standard, përcjell foldrejt.com
Si arsye e ditë për t’u vizituar Shqipëria nga lexuesit gjermanofonë të Der Standard përmendet edhe Gjiri i Gjipesë, një atrakcion i vërtetë i rivierës së mrekullueshme shqiptare – që mund të arrihet me këmbë ose Jeep.
Në Gjirin e Gjipesë koha ka mbetur në vend. Pavarësisht ndërtimit të rrugëve të shumta nga viti 2009, plazha e saj akoma të jehon si ato të filmit “The Beach” nga Leonardo DiCaprio, përcjell foldrejt.com.
Në fund nuk kishte si të mungonte edhe parku kombëtar i Shebenik-Jabllanicës, një pjesë e së cilës është mbrojtur nga UNESCO dhe me qendër në fshatin Fushë Studën.
“Nëse turizmi sjell vërtet bekim, shumë shqiptarë dyshojnë. Në brëndësi të zemrës së tyre vërehet gëzimi që nga 2017 një pjesë e parkut ruhet nga UNESCO, pasi vërtet në malet e saj ka 14 liqene akullnajorë, shumë gryka, lulja e radhë vjollcë (Viola Perinensis), si dhe rrëqebulli”.
Banorët e zonës nuk duan njerëzit që me zhurmën e tyre shqetësojnë banorët e fshatrave të qetë.
Pra për dallim nga alpet veriore si Valbona dhe Thethi, parku i Shebenik-Jabllanicës nuk ka qenë kurrë në fokus primar. Kjo duhet të ndryshojë, kurse nga qeveria ata nuk presin asgjë. Akoma rruga Librazhd-Fushë Studen ka mbetur gjysëm e përfunduar.
Si ndryshime bazë përmendet edhe restoranti Bei Fatis, si dhe nga grupet bjeshkatare vendore që kanë markuar 11 shtigje malore. Më e vogla zgjat 30 minuta, ndërsa më e gjata katër orë. Por kjo duhet të jetë vetëm fillimi./Foldrejt.com
