Gjatë fundjavës së kaluar emisioni Gjurmë Shqiptare nga gazetari i njohur, Marin Mema, ka pasur si temë shqiptarët e Prilepit ose më saktë, zhdukjen e tyre.
Fakte interesante për këtë rajon që shumëkush në Maqedoninë e Veiriut i ka harruar ose nuk i ka ditur fare, u zbuluan gjatë emisionit. Por gjurmimet e Memës dhe qarkullimi i tij nëpër fshatra e vendbanime shqiptare ose me histori shqiptare në rajonin e Prilepit, nuk kanë shpëtuar pa rënë në sy të Policisë së Maqedonisë së Veriut, ashtu siç kishte ndodhur edhe më parë gjatë gjirimeve për Rekën e Epërme.
Teksa Marin Mema me ekipin po afroheshin në vendin e quajtur Xërxë, ku ndodhet njëri nga manastiret më të vjetra në këto anë dhe tek i cili hasen gjurmë shqiptare, një patrollë policia ia preu rrugën. Nga biseda kuptohej se dikush i kishte lajmëruar dhe ata kishin pasur dijeni për lëvizjet e Marin Memës. Pasi i legjitimuan, policët i shoqëruan gjatë gjithë kohës në Manastirin e Xërxës, siç duket, për t’i pasur nën kontroll.
Kështu ndodhi edhe gjatë xhirimeve në Rekën e Epërme, Të mos jesh shqiptar nga Gjurmë Shqiptare, ku policia maqedonase e ndaloi ekipin e tij dhe u fotografua pikërisht në çastin kur merrte intervistë pasardhësin e Josif Bagerit. Kjo do ishte ndalesa e parë e Memës nga autoritetet maqedonase, kurse programi i dytë për Maqedoninë e Veriut pas “Dibra, qyteti i fjetur”, të dyja të programuara dhe ideuara me mikun e tij Fitim Dika.
Ngjashëm në 2016, grupi i Marin Memës u ndalua nga policia maqedonase në Shkup. Atëkohë ai nxjerte të dhëna se Shkupi është me rrënjë ilire.
Vlen të theksohet se Mema në 2012 është shpallur edhe non grata në Greqi me akuzën për kërcënim të sigurisë kombëtare dhe rendit publik. Kjo erdhi pas disa emisioneve të realizuara në zona të ndryshme të Çamërisë. Por kjo nuk e ka ndaluar Memën nga aktiviteti i tij.
Për më shumë, emisionin e Prilepit, mund ta shihni të plotë më poshtë.
