Kuala Lumpur: “Financat mbi bazën Islame po tërheqin vëmendje edhe tek vendet jo-muslimane në tentim për të krijuar modele alternative të qëndrueshme dhe me mundësi të barabarta”, deklaroi Kryemnistri Malejzian.
Londra ka lëshuar për herë të dytë të ashtuquajturën sukuk (emër arab për letra financiare) pasi që bondi i parë i lëshuar ishte abonuar mbi 14 herë përtej limitit. Përveq Londrës, sukuk-ët janë lëshuar edhe në Luxemburg, Hong Kong dhe Afrikën Jugore.
“Që nga kriza financiare globale e viteve 2007-2008 ka pasur kërkesa të mëdha për modele ekonomike alternative që e ulin nivelin e spekulimit, e cila është e metë e modelit tradicional ekonomik,” deklaroi Najib Razak për gazetarët.
“Levat financiare të tepruara besohet të ketë qenë rrënja e këtij debakli – mirpo prap, ky mekanizëm është i ndaluar në financat Islame. Për këtë arsyje, Bankat Islame qëndruan të kapitalizuara dhe elastike përballë paqëndrueshmërisë të tregut financiar, në ndërkohë duke vazhduar të kontribojnë pozitivisht në rritje të barabartë dhe të qëndrueshme,” vazhdoi ai.
Sukuk-ët gjithashtu po gjejnë shtrirje tek korporatat si dhe organizatat përtej kombëtare, siq janë Banka islamike për zhvillim, korporatat financiare ndërkombëtare, dhe organizata ndërkombëtare për imunizim financiar, që është nën patronatin e bankës botwrore, e cila tash vonë ka lëshuar sukuk-un e dytë gjatë muajit shtator.
“Financat mbi bazën Islame krijojnë një partneritet të sinqertë ku ju ndani fitimin dhe humbjen,” deklaroi Razak, duke shtuar se “kamata nuk ekziston në bazën e kostos të rezervave.”
Në Malejzi, më shumë jomuslimanë po përdorin produkte të financave mbi bazën Islame, duke shfaqur përkrahje dhe pranim, shtoi ai. Kjo industri ka pasur një rritje prej 17 përqind nga viti 2009 deri në vitin 2014.
Ura Lidhëse
Ky forum do të shërbejë si urë lidhëse mes muslimanëve dhe jomuslimanëve në mënyrë që të forcohen bashkpunimet mes të gjithë popujve,tha Rezak.
“Ne po ballafaqohemi me kohëra të vështira, dhe ky forum do të na lejonte të provonim mundësi të reja për t’i tejkaluar sfidat e tanishme,”shtoi ai.
Ai gjithashtu pati bisedime me krerët e 8 shteteve, duke përfshirë Bosnjën, Kaboxhia-n ,Ganën, dhe Ruandën. “Ne diskutuam për disa nga problemet aktuale. Shtetet e përfshira në këtë forum kishin kaluar nëpër konflikte dhe luftëra civile, mirpo tani po e rimarrin veten dhe po shikojnë nga e ardhmja,” deklaroi ai.
Ai gjithashtu tha se po mendojnë të formojnë një mega bankë të ngjajshme me shtetet e të ashtuquajturës BRIKS (Brazil, Rusi, Indi, Kinë, dhe Afrikë Jugore), mirpo kjo ide ka hasur në sfida serioze. Ky forum do t’i diskutojë poashtu temat tjera si: moda islame, financat sociale islame, industrinë 700 miliardë dollarëshe të ushqimit hallall, inteligjencën artificiale, teknologjitë recikluese, fuqizimi i gruas, I-komercin, ndërmarrjet startuese për të rinjë, dhe mundësimi i edukimit kualitativ dhe falas për zonat rurale. /gulfnews.com
Përktheu: Galdim Ajeti
