Ukrainasit që erdhën në Kanada në kuadër të programit të përkohshëm të migracionit, të futur në mes të luftës së vazhdueshme, do të mund të marrin një status të përhershëm në këtë vend, tha Kryeministri i Kanadasë, Justin Trudeau, raporton Ukrinform, përcjell Fol Drejt.
“Sa i përket ukrainasve që kanë ardhur këtu, e di që shumë prej tyre mezi presin të kthehen në shtëpi dhe të rindërtojnë vendin e tyre. Shumë prej tyre duan të qëndrojnë. Ata do të mirëpriten dhe do të vazhdojnë të jenë kanadezë të jashtëzakonshëm dhe ukrainas krenarë në të njëjtën kohë”, tha kryeministri.
Raportohet se intervista e Trudeau u regjistrua në një furrë buke në Toronto, në pronësi të pasardhësve të emigrantëve ukrainas.
Në përgjithësi, mbi 135,000 ukrainas mbërritën në Kanada këtë vit, megjithëse jo të gjithë ishin refugjatë. Në mes të marsit, qeveria federale dha mbi 470,000 aplikime speciale për viza të paraqitura nga ukrainasit. /FolDrejt/
