Manchester United nuk do të luajë në Champions League sezonin e ardhshëm. Djajtë e Kuq u mundën 4-0 në transfertë me Brighton dhe matematikisht nuk kanë asnjë shans për Ligën e Kampioneve.
Cristiano Ronaldo me shokë janë dukur të pafuqishëm kundër Pulëbardhave, që kanë dominuar ndeshjen nga fillimi deri në fund. Caicedo (15′), Cucurella (49′), Gross (57′), Trossard (60′) kanë qenë autorët e golave për Brighton, që është ngjitur në kuotën e 47 pikëve dhe mban gjallë shpresën për një vend në zonën europiane.
Manchester United ka pësuar 56 gola në Premier League në këtë sezon, numri më i lartë i pësuar në një sezon të vetëm të kampionatit nga Djajtë e Kuq. Pas 37 ndeshjes të luajtura, skuadra e Ralf Rangnick mbetet në vendin e gjashtë me 58 pikë.
