Kërkesat e Rusisë për zgjatjen e marrëveshjes së grurit të Detit të Zi nuk janë përmbushur ende, tha një burim diplomatik turk, duke shtuar se Ankaraja “po punon shumë fort” për të siguruar që marrëveshja të vazhdojë, shkruan Al Jazeera, përcjell Fol Drejt.
“Turqia po punon shumë për zgjatjen e marrëveshjes së grurit të Detit të Zi; negociatat janë ende duke vazhduar”, tha burimi.
“Shqetësimet e Rusisë, ose më saktë vështirësitë me të cilat po përballet, nuk janë kapërcyer ende. Por Turqia po bën pjesën e saj për një marrëveshje mes të gjitha palëve”, shtoi burimi.
Rusia sinjalizoi se pengesat për eksportet e saj bujqësore duhet të hiqen përpara se marrëveshja të vazhdojë.
Iniciativa për grurin e Detit të Zi e ndërmjetësuar nga Kombet e Bashkuara dhe Turqia korrikun e kaluar lejoi eksportimin e grurit nga tre porte të Ukrainës.
Marrëveshja do të skadojë më 18 mars, përveç nëse bihet dakord për një zgjatje tjetër. /FolDrejt/
