Turqia do të ndërtoj dy spitale të reja në Stamboll, me një kapacitet prej 1.000 shtretër secili, për të ndihmuar në luftën kundër pandemisë së koronavirusit, njofton të hënën Presidenti Rexhep Tajip Erdogan.
Sipas Erdoganit, njëri nga spitalet do të ndërtohet në Aeroportin ‘Atatürk’ të vendosur në rrethin Yeşiköy në anën evropiane të qytetit, ndërsa tjetri do të ndërtohet në Sancaktepe në anën aziatike.
Erdogan gjithashtu tha se shitja e maskave tani është e ndaluar dhe se në vend të kësaj do të jepen maska falas në supermarkete ose do t shpërndahen në shtëpitë e qytetarëve nga Organizata Turke e Postës dhe Telegrafit (PTT).
“Guvernatorët tanë kanë filluar të dërgojnë maska falas përmes PTT,” tha ai, duke shtuar: “Ne kemi rezerva të mjaftueshme dhe plane prodhimi për të gjithë popullatën tonë deri sa të mbarojë pandemia”.
Të Premten Turqia e bëri të detyrueshëm përdorimin e maskave në vende të mbushura me njerëz, në transport publik, dyqane ushqimore dhe vendet e punës.
Duke folur për statusin aktual të Turqisë në luftën për të përmirësuar shpërthimin, Erdogan tha që spitalet e vendit po bëjnë pune të mirë deri më tani.
“Nuk ka probleme me testimin dhe trajtimin në spitalet tona. Fatmirësisht, deri më tani nuk kemi hasur ndonjë problem me ushqimin ose pastrimin e furnizimeve të produkteve, ose ndonjë çështje të çrregullimit publik, “tha ai.
“Ne po vendosim çdo ndërtesë, rrugë, lagje apo edhe rrethe nën karantinë nëse ato tregojnë ndonjë shenjë të virusit,” tha Erdogan.
Duke përsëritur izolimin për persona mbi moshën 65 vjeç dhe ata me sëmundje kronike, Erdogan tha se qeveria, në bashkëpunim me organizata të ndryshme, ka përmbushur nevojat themelore të 1.32 milion prej këtyre qytetarëve.
Presidenti të Premten njoftoi se izolimi ishte zgjeruar për të përfshirë njerëz më të rinj se 20.
Në lidhje me fushatën kombëtare për mbledhjen e fondeve, Erdogan tha se shuma e përgjithshme e donacioneve ka arritur në 1.5 miliardë TL (220 milion dollarë) dhe se 43 milion mesazhe me tekst u dërguan me dhurime.
Të hënën, numri i rasteve të konfirmuara të koronavirusit në Turqi arriti në 30.217 ndërsa numri i vdekjeve ishte 649.
Deri më tani, në vend janë kryer gjithsej 202.845 teste dhe 1,326 pacientë janë rikuperuar nga COVID-19, sëmundja e shkaktuar nga koronavirusi i ri.
