Arritja në zonat afër epiqendrës ku ndodhi tërmeti është tepër e vështirë. Meqë po dyshohet se autostrada kryesore nuk është e sigurt, gjithçka është zhvendosur në një rrugë malore gjarpëruese, e cila mezi i përballon kolonat nëpërmjet së cilës po lëvizin ekipet e shpëtimit, atyre që po ikin nga zonat e prekura, duke e mbingarkuar trafikun,transmeton Fol Drejt.
Një reportazh Jeremy Gahagan shkruan se ekipi i BBC-së është përpjekur dëshpërimisht të kalojnë ambulancat dhe ekipet e shpëtimit, por rruga është e bllokuar me kamionë dhe njerëz që përpiqen të largohen. Rrugët janë çarë, janë dëmtuar dhe me pjesë zhvendosura. E gjithë kjo po i vështirëson përpjekjet për shpëtimin e të mbijetuarve, në një kohë vendimtare.
Ndërsa i afroheni epiqendrës, vërtet mund të shihni se shkalla e shkatërrimit rritet. Ne ende po ndjejmë pasgoditjet e tërmetit dhe njerëzit nuk duan të jenë pranë ndërtesave. Kur njerëzit i ndjejnë, ata vrapojnë.
Në Osmaniye mbrëmjen e djeshme në një hotel të shembur në të cilin ndodheshin 14 persona, u gjetën tetë trupa ndërsa ekipet e shpëtimit ende shpresonin të gjenin të mbijetuar.
Por ka kaq shumë ndërtesa të shembura ku nuk është duke u zhvilluar fare procesi i kërkim-shpëtimit. Është e pamundur të imagjinohet se të gjitha ato ndërtesa ishin bosh. Përpjekjet duket se janë të përqendruara në ndërtesa më të mëdha, ato që ata mendojnë se kishin më shumë banorë.
Të gjithë janë të heshtur, të trullosur nga ajo që ka ndodhur. Ata qëndrojnë, ndezin zjarre për t’u ngrohur dhe i vështrojnë ekipet që e vazhdojnë punën. Në atë qetësi të frikshme dëgjohet ndonjë shenjë jete nën rrënoja.
Një gazetar turk me qendër në Stamboll tha për BBC-në se:
“Njerëzit janë ende nën ndërtesat, ata kanë nevojë për ndihmë.”
Ibrahim Haskologlu me origjinë nga Malatya – një zonë e prekur rëndë nga tërmetet e djeshme – thotë se po planifikon të shkojë në shtëpi sa më shpejt që të mundet për të ndihmuar aty ku ka nevojë.
Sipas tij, plot njerëz po iu dërgojnë atij dhe kolegëve të tij, dëshmi zanore të njerëzve të mbijetuar nën rrënoja. Ata po na tregojnë se ku ndodhen dhe “ne nuk mund të bëjmë asgjë”, thotë Haskologlu, duke shtuar se Turqia ka nevojë për të gjithë ndihmën ndërkombëtare që mund të marrë./FolDrejt/
