Turqia është vizituar nga 11,3 milionë turistë të huaj gjatë pesë muajve të parë të vitit, sipas shifrave zyrtare të publikuara sot.
Numri i të huajve që vizituan Turqinë në periudhën janar-maj është rritur për 207,1 për qind në bazë vjetore, shkruan AA, transmeton Fol Drejt.
Stambolli, qyteti më i madh i Turqisë për nga popullsia dhe një nga destinacionet kryesore turistike, mirëpriti 46,8 për qind të të gjithë vizitorëve të huaj, ose gati 5,3 milionë, në periudhën pesëmujore.
Ai u pasua nga qyteti turistik mesdhetar i Antalya-s me 2,25 milionë turistë të huaj dhe Edirne në veriperëndim të Turqisë, e cila kufizohet me Bullgarinë dhe Greqinë, me 1,3 milionë vizitorë të huaj.
Për sa u përket përkatësisë të turistëve të huaj, Gjermania zuri vendin e parë me 11,6 për qind, afro 1,3 milion vizitorë, në të njëjtën periudhë, e ndjekur nga Bullgaria (8,4 për qind) dhe Rusia (7,55 për qind).
Vetëm në maj, 3,8 milionë të huaj vizituan vendin, me një rritje prej 308,5 për qind më shumë në bazë vjetore./FolDrejt/
