Twitter ka pushuar nga puna të paktën 200 punonjës, rreth 10 për qind e fuqisë punëtore, në raundin e fundit të pushimeve nga puna që kur Elon Musk mori drejtimin e rrjetit social tetorin e kaluar.
Pushimet prekën menaxherët e prodhimit, shkencëtarët dhe inxhinierët që punuan në zhvillimin e inteligjencës artificiale dhe besueshmërisë së faqes për të mbajtur në këmbë rrjetin social, raportoi të dielën New York Times, duke cituar njerëz të njohur me situatën, përcjell Fol Drejt.
Sipas një deklarate nga Musk, kompania, e cila ka rreth 2,300 punonjës aktivë, përjetoi një “rënie masive të të ardhurave” pasi reklamuesit ulën kostot për shkak të shqetësimeve për shikimin dhe monitorimin e përmbajtjes në rrjetin social./FolDrejt/
