Presidenti Xi Jinping i Kinës dhe Presidenti Vladimir Putin i Rusisë mbajnë një dialog të vazhdueshëm strategjik në formate të ndryshme, tha në një konferencë zëdhënësi i Ministrisë së Jashtme kineze Wang Wenbin, raporton TASS.
“Udhëheqësit e Kinës dhe Rusisë mbajnë një dialog të vazhdueshëm strategjik në formate të ndryshme; ne kemi një axhendë të ngjeshur në të gjitha fushat,” vuri në dukje ai në përgjigje të kërkesës së një gazetari perëndimor për të komentuar vizitën e planifikuar të presidentit rus në Kinë.
Wang specifikoi se Pekini dhe Moska po punonin vazhdimisht për të avancuar bashkëpunimin dypalësh, duke diskutuar një gamë të gjerë çështjesh me interes të përbashkët.
Zëdhënësi i Ministrisë së Jashtme kineze theksoi se nën udhëheqjen e Xi dhe Putin, “Kina dhe Rusia do të zhvillojnë vazhdimisht partneritet strategjik gjithëpërfshirës në një epokë të re”.
Ndihmësi i presidentit rus Yury Ushakov tha në fund të korrikut se kreu i shtetit rus pritej të vizitonte Kinën në tetor, kur ishte planifikuar të zhvillohej Forumi Brez dhe Rrugë.
