Ukraina njoftoi se Rusia vazhdon të godasë intensivisht rajonin e Donetskut dhe se në 24 orët e fundit në rajon 3 civilë humbën jetën dhe u plagosën 13 të tjerë.
Sipas lajmit të Ukraynskaya Pravda, si pasojë e sulmit në qytetin e Mykolayiv mbrëmë është dëmtuar një ndërtesë e institucionit arsimor në qytet, shkruan AA, transmeton Fol Drejt.
Në rajonin Sumy, sulmet me bomba që vazhduan gjatë gjithë ditës së djeshme filluan sërish në mëngjes, ndërsa gjatë natës u lëshuan më shumë se 10 raketa nga kufijtë e Belgorod të Rusisë në rajonin e Kharkivit.
Në rajonin e Dnipros, qytetet Synelnykove dhe Nikopol u goditën nga raketat Grad të Rusisë, ndërkaq një raketë ruse u neutralizua nga ushtria ukrainase.
Ukraina njoftoi se Rusia vazhdoi të godet intensivisht rajonin e Donetskut në 24 orët e fundit dhe shumë vendbanime si Bakhmut, Nikolayevka, Vuhledar, Avdiivka u goditën me raketa Smerch, Grad dhe S-300.
Si pasojë e sulmeve, 3 civilë humbën jetën në rajonin e Donetskut dhe 13 persona u plagosën. Gjithashtu janë dëmtuar dhjetëra shtëpi.
Nga ana tjetër, në lajmet në uebfaqet ukrainase, thuhet se Anton Listopad, i cili u zgjodh si piloti më i mirë i Forcave Ajrore të Ukrainës në vitin 2019, ka humbur jetën në luftën me Rusinë./FolDrejt/
