Ushtria e Ukrainës ka thënë se po kontrollonte vërtetësinë e pamjeve që Moska i përshkruan ushtarë rusë të dorëzuar duke u ekzekutuar, shkruan Al Jazeera, përcjell Fol Drejt.
Videot e qarkulluara në mediat sociale ruse këtë javë që pretendojnë të tregojnë trupat e ushtarakëve rusë të vrarë me sa duket pasi janë dorëzuar te trupat ukrainase – një akt që Moska e ka quajtur “krim lufte”.
“Para nisjes së një hetimi, duhet të ketë arsye për të”, tha zëdhënësi i shtabit të përgjithshëm të Ukrainës, Bogdan Senyk për AFP. “Aktualisht jemi duke përcaktuar nëse këto video janë false”, tha ai, duke shtuar se ato u janë dorëzuar “specialistëve”.
“Ne jemi të vetëdijshëm për videot dhe po i shqyrtojmë ato”, tha një zëdhënës i OKB-së për AFP të premten, duke bërë thirrje që autorët të mbahen para përgjegjësisë.
Komiteti Hetimor Rus, i cili heton krimet e mëdha, ka thënë se ka hapur një çështje penale për “ekzekutimin e ushtarakëve rusë të dorëzuar”.
Incidenti nuk ishte “krimi i parë dhe i vetmi krim lufte” i kryer nga forcat ukrainase, tha një deklaratë e ministrisë ruse të mbrojtjes. /FolDrejt/
