Ukraina solli 307 fëmijë nga territori i kontrolluar nga forcat ruse në lindje të vendit, duke përfshirë një djalë 8-vjeçar, i cili së fundmi u kthye te gjyshja e tij, tha Ombudsmani i Ukrainës.
Autoritetet ukrainase vlerësojnë se më shumë se 16,000 fëmijë janë dëbuar në Rusi që nga fillimi i pushtimit rus një vit më parë, por Rusia pretendon se njerëzit u evakuuan vullnetarisht nga Ukraina, përcjell Fol Drejt.
“Në fund të shkurtit, zyra e Komisionerit për të Drejtat e Njeriut mori një kërkesë për të ndihmuar në largimin e një fëmije nga territori që është përkohësisht nën pushtimin rus”, tha avokati i popullit Dmitro Lubinec.
“Sashko u kthye te gjyshja e tij”
“Brenda pak ditësh, me ndihmën e stafit të Avokatit të Popullit, Sashko u takua me gjyshen e tij”, tha ai pa treguar detajet e operacionit.
Në muajt e parë të luftës është shënuar lëvizja dhe shpërngulja më e madhe e njerëzve. Ministria ruse njoftoi në mes të gushtit se 3.5 milionë njerëz, përfshirë më shumë se gjysmë milioni fëmijë, u dërguan në Rusi.
Sipas zyrës së prokurorit të shtetit ukrainas, deri më tani në luftë kanë vdekur 464 fëmijë. Policia vlerëson se rreth 356 prej tyre janë të zhdukur. Rusia ka hedhur poshtë vazhdimisht akuzat se synon qëllimisht civilët, si dhe akuzat se ka zhvendosur me forcë ukrainasit./FolDrejt/
