Të paktën 437 fëmijë janë vrarë gjatë pushtimit rus deri më tani, ka pohuar zyra e Prokurorit të Përgjithshëm të Ukrainës.
Në një deklaratë në faqen e internetit të zyrës, zyrtarët shtuan se 837 fëmijë janë plagosur, por vunë në dukje se shifra mund të jetë më e lartë pasi informacionet nga zonat e pushtuara nga forcat ruse janë ende duke u verifikuar, raporton Sky News.
Rajoni lindor i Donetskut ishte më i prekuri, me 423 fëmijë të vrarë ose të plagosur, shtohet deklarata.
“Që nga mëngjesi i 19 nëntorit 2022, 1274 fëmijë u prekën në Ukrainë si rezultat i agresionit të armatosur në shkallë të plotë të Rusisë”, vazhdoi ai.
Sipas raporteve zyrtare të prokurorëve për të mitur, 437 fëmijë u vranë dhe 837 u plagosën me ashpërsi të ndryshme.
Ai shtoi se një nga viktimat ishte një djalë katër muajsh, i cili vdiq pasi u plagos gjatë “granatimeve të armikut”.
Kombet e Bashkuara kanë thënë se të paktën 16,295 civilë janë vrarë që nga fillimi i luftës në shkurt, por Rusia ka mohuar të ketë shënjestruar civilët./FolDrejt/
