Shërbimi Sekret rus pretendon se ushtria ruse, ka vendosur mina në blloqet e centralit bërthamor në Zaporzhia.
Andriy Yusov, zëdhënës i Shërbimit Sekret ukrainas, ka thënë se rusët kanë transportuar armë, pajisje dhe eksploziv në afërsi të blloqeve të centralit bërthamor, transmeton Telegrafi, përcjell FolDrejt.com.
Ekziston brenga për sigurinë e centralit më të madh bërthamor në Evropë, që është nën kontrollin e trupave ruse.
Ky objekt ishte granatuar të premten, gjë që ka nxitur reagime nga e gjithë bota – e dje ka pasur paralajmërime për “rrezikun real nga një katastrofë tjetër bërthamore”.
Ukraina vazhdimisht akuzon Rusinë për sulmet, duke theksuar se akoma ekziston rreziku i rrjedhjes së kimikaleve të rrezikshme, që mund të shkaktojnë shpërthimin e një zjarri.
Kryetari i qytetit fqinj të Ukrainës, Enerhodar, Dmytro Orlov, ka thënë se forcat ruse po fshehin armët mes blloqeve të centralit bërthamor, me qëllim që të mund të minojnë tërë territorin përreth.
