Ministria e Jashtme e Ukrainës ka thirrur ambasadorin e Polonisë në Kiev, duke thënë se komentet e bëra nga këshilltari i politikës së jashtme presidenciale polake Marcin Przydacz ishin “të papranueshme”, shkruan Al Jazeera, transmeton Fol Drejt.
“Gjatë takimit, u theksua se deklaratat për mosmirënjohjen e pretenduar të ukrainasve për ndihmën e Polonisë janë të pavërteta dhe të papranueshme”, tha zëdhënësi i Ministrisë së Jashtme Oleh Nikolenko në një deklaratë në faqen e internetit të ministrisë.
Në një intervistë për mediat polake, Przydacz kishte thënë se Ukraina ka marrë mbështetje të jashtëzakonshme nga Polonia dhe se “duhet të fillojë të vlerësojë rolin që Polonia ka luajtur për Ukrainën në muajt dhe vitet e fundit”.
