67-vjeçarja Lyudmila Lovk, e cila po përpiqej të pastronte mbeturinat në kopshtin përpara shtëpisë së saj që u shkatërrua plotësisht nga sulmet ajrore ruse, tha se në fshatin ku jetonin, sulmet filluan më 26 shkurt.
Lyudmila Lovk, e cila humbi shtëpinë dhe fermën e saj në fshatin Zahaltsi, që ndodhet në rajonin e Kievit të Ukrainës, fshat i cili u dëmtua rëndë si rezultat i sulmeve të Rusisë, nuk është larguar nga fusha e rrënojave për javë të tëra, shkruan AA, transmeton Fol Drejt.
Fshati Zahaltsi, ku janë përjetuar konflikte intensive që në ditët e para të luftës Rusi-Ukrainë, është një nga vendbanimet që ka pësuar më së shumti në luftë.
67-vjeçarja Lovk, e cila po përpiqej të pastronte mbeturinat në kopshtin përpara shtëpisë së saj që u shkatërrua plotësisht nga sulmet ajrore ruse, tha se në fshatin ku jetonin, sulmet filluan më 26 shkurt.
Lovk deklaroi se ajo dhe bashkëshorti i saj qëndruan në depo që e përdornin si strehë për ditë të tëra për shkak të fillimit të sulmeve ajrore.“Ne u fshehëm në depo nga 26 shkurti deri më 11 mars. Ne dilnim jashtë vetëm kur u ndalnin luftimet”.
Duke thënë se pas avionëve, në rajon erdhën edhe helikopterët luftarakë, Lovk tha: “Më pas përleshjet vazhduan duke përdorur sisteme artilerie”.
Ata u strehuan në Sllovaki
Lovk theksoi se nuk ishte e mundur të qëndronte në fshat për shkak të përshkallëzimit të përleshjeve në javën e dytë të marsit.
Duke thënë se ata u strehuan përkohësisht në Sllovaki, Lovk tha: “Një nga djemtë e mi jeton atje. Kemi udhëtuar 1.500 kilometra. Ndërsa jemi kthyer një muaj më parë”.
Duke treguar se ata jetojnë përkohësisht në shtëpinë e vajzës së saj e cila jetonte aty pranë, pasi nuk kishin ku të qëndronin, Lovk tregoi se shkojnë çdo ditë në zonën e rrënojave ku i mendon ditët e para luftës.
“Pavarësisht të gjithave, erdha këtu, jam duke punuar në kopshtin përballë shtëpisë”, tha Lovk. Ajo gjithashtu tha se nuk është e mundur të rinovohet shtëpia për shkak se është shkatërruar, por do të përpiqen të rindërtojnë ndërtesën para shtëpisë.
Lovk, e cila nuk largohet nga rrënojat e shtëpisë së saj për javë të tëra, tha se ëndërron të ndërtojë një shtëpi derisa të vijë dimri që të mund të qëndrojë aty./FolDrejt/
