Ukraina pretendon se janë vrarë më shumë se 43 mijë ushtarë rusë që nga fillimi i luftës në shkurt të këtij viti dhe se forcat ruse pësuan humbjet më të rënda të enjten në Donetsk.
Pa dhënë detaje për viktimat në Donetsk, Shtabi i Përgjithshëm i Ushtrisë së Ukrainës njoftoi në Facebook se rreth 43.200 ushtarë rusë janë vrarë që nga fillimi i luftës, shkruan AA, transmeton Fol Drejt.
“Forcat ukrainase rrëzuan 233 avionë rusë, 193 helikopterë si dhe shkatërruan 1.849 tanke, 4.108 automjete të blinduara, 778 mjete ajrore pa pilot, 3.021 automjete dhe cisterna dhe 15 luftanije/varka”, njoftoi Shtabi i Përgjithshëm.
Thuhet se janë shkatërruar 975 sisteme artilerike, 261 sisteme raketash me shumë tuba dhe 136 sisteme kundërajrore./FolDrejt/
