Politikani kontrovers serb, radikali Vojisllav Sheshel mund të përfundojë sërish në Hagë, shkruan Fol Drejt.
Këtë e ka paralajmëruar presidenti i Serbisë Aleksandër Vuçiq. Sipas këtij të fundit, kjo është vetëm një formë tjetër për ta shtuar presionin ndaj vendit të tij.
Në një konferencë për gazetarët Vuçiq tha se kundër Vojisllav Sheshel ka ardhur një aktakuzë e re e Hagës.
Ai theksoi se aktakuza është ngritur kundër Vojisllav Sheshel dhe katër bashkëpunëtorëve të tij për mospërfillje të gjykatës.
“Thjesht për të shtuar diçka më shumë në të gjitha presionet”, tha shkurt Vuçiq.
Nuk dihet ende nëse ai do t’i dorëzohet Hagës.
Përndryshe Sheshel është një ndër politikanët të cilët i kanë mbetur besnik ideologjisë fashiste të Sllobodan Millosheviqit. Në paraqitjet e tij publike, ai ka dëshmuar që nuk është penguar asnjë grimë për veprimet e shtetit serb, përkatësisht gjenocidin e kryer ndaj boshnjakëve dhe shqiptarëve.
Përndryshe, ultranacionalisti Sheshel ishte i akuzuar edhe një herë tjetër nga Haga, por më 2016-tën qe liruar nga të gjitha akuzat, duke mos u gjetur përgjegjës për luftërat ballkanike, perkatësisht gjenocidet dhe krimet e kryera në vendet e ish Jugosllavisë./FolDrejt/
