Trajneri i Barcelonës, Xavi Hernandez, ka mbajtur një konferencë për shtyp përpara ndeshjes së parë të 1/16-tës së Ligës së Evropës mes skuadrës së tij dhe Manchester United, që do të luhet sot në orën 18:45.
“Unë ende zemërohem kur dëgjoj himnin e Champions League. Ne duhet ta luajmë aty për shkak të sukseseve historike”, tha Xavi.
Kujtojmë se Barcelona nuk u kualifikua në fazën eliminatore të Champions Leagues. Në grupin C fituan shtatë pikë, tre më pak se Interi, ndërsa Bayern ishte i pari me maksimumin e pikëve, plot 18 pikë. Viktoria Plzen nuk fitoi asnjë pikë. Kështu, katalanasit u kualifikuan në kompeticionin e dytë evropian nga vendi i tretë.
“Ne duhet të përballemi me realitetin. Jemi të emocionuar për këtë kompeticion shumë të rëndësishëm për skuadrat që e luajnë. Është e rëndësishme të arrijmë sukses, veçanërisht në Evropë, pasi nuk kemi pasur rezultate të mira për disa sezone. Pa dyshim, kjo është një test i mirë për të parë nëse mundemi për të konkurruar në Evropë”, tha Xavi, transmeton Fol Drejt.
