Me rastin e 10-vjetorit të themelimit të Universitetit “Fehmi Agani” në Gjakovë, menaxhmenti i Universitetit do t’ia ndajë çmimin Doctor Honoris Causa, Gjeneralit Wesley K. Clark – ish-Komandant Suprem i NATO-s për Evropë, transmeton Fol Drejt.
U.D. Rektori Prof. Ass. Dr. Zeqir Hashani ka thënë se në bashkërendim me Senatin e Universitetit “Fehmi Agani” kanë marrë vendim për t’i dhënë titullin “Doctor Honoris Causa” Gjeneralit Wesley K. Clark për përkushtimin, kontributin dhe ndihmën e tij dhënë Kosovës në kohën e luftës në Kosovë.
Ceremonia e manifestimit të 10-vjetorit mbahet të hënën, më 6 mars 2023, duke filluar në ora 12:00, në shkollën e muzikës “Prenk Jakova”./FolDrejt/
