Një ndër ushtritë më të industrializuara në botë po ndodhet përsëri përballë reagimeve të shumta, pasi disa pjesëtarë të brezit të dytë zviceranë, kanë kënduar himnin “jo-zyrtar të Shqipërisë”, siç shkruajnë mediat helvete, përcjell foldrejt.com.
“Xhamadani vija vija është Kosova, është Shqipëria. Rreh si zemër çiftelia, o sa e madhe është Shqipëria,” është teksti i muzikës që është përkthyer gjermanisht në mediat zvicerane.
Shpërndarja e videos është pëlqyer nga rreth njëmijë persona, megjithatë ka edhe prej atyre që kundërshtojnë që me uniformën e ushtrisë së Zvicrës të këndohen lavde për shtete tjera.
Zëdhënësi i ushtrisë, Daniel Reist, në anën tjetër thekson se rasti i incizimit nuk shqetëson shumë autoritetet, pasi është jo-formale dhe është marrë nga një “automjet i mbyllur udhëtimi”.
Dy zemra në gjoks
Sociologu ushtarak, Tibor Svircsev (ETH), i pyetur rreth rastit, ka thënë se ushtarakët me origjinë të huaj “kanë dy zemra në gjoksin e tyre”. Ata kërkojnë që të bëjnë simbiozën mes rrënjve të tyre kulturore dhe ushtrisë.
Por Svircsev thotë më tej se aksionet e tilla nuk janë të bukura, pasi mund të sjellin reagime nga minoritetet tjera – fjala vjen serbët – dhe më pas të zhbëjnë unitetin e ushtrisë helvete.
Nëse kënga do këndohej në publik, atëherë me siguri do kishte masa proceduriale si në vitin 2015, kur disa ushtarakë zviceranë pozuan me flamurin Kombëtar shqiptar./Foldrejt.com
