Veç vendeve perëndimore, edhe Japonia e dënuan Rusinë me anë sanksionesh, pas depërtimit të trupave në rajonet separatiste të Ukrainës lindore. Shtetet e Bashkuara, Bashkimi Evropian, Britania, Australia, Kanadaja dhe Japonia i zbuluan sanksionet në planin bankar që do t’i dëmtonin elitat ruse, ndërkohë që Gjermania ndaloi një projekt të madh të tubacionit të gazit nga Rusia, në një nga krizat më të këqija të sigurisë në Evropë në këto dekada – shkruan Reuters, transmeton Fol Drejt.
I hidhëruar me ambiciet e Ukrainës për t’iu bashkuar NATO-s dhe duke e pretenduar atë si tokë historike ruse, presidenti rus Vladimir Putin ka grumbulluar më shumë se 150,000 trupa pranë kufijve të Ukrainës, sipas vlerësimeve të SHBA-ve, dhe ka urdhëruar ushtarët në rajonet separatiste Donetsk dhe Luhansk që të “sigurojnë paqen!”.
Shtetet e Bashkuara e hedhin poshtë këtë justifikim si “të pakuptimtë”.
“Për ta thënë thjesht Rusia sapo njoftoi se po gërryen një pjesë të madhe të Ukrainës”, tha të martën presidenti i SHBA Joe Biden.
“Ky është fillimi i një pushtimi rus.”
Imazhet satelitore gjatë 24 orëve të fundit tregojnë disa dislokime të reja të trupave dhe pajisjeve në Rusinë perëndimore dhe më shumë se 100 automjete në një aeroport të vogël në Bjellorusinë jugore, që kufizohet me Ukrainën, sipas firmës amerikane Maxar.
Ushtria ukrainase tha herët të mërkurën një ushtar ishte vrarë dhe gjashtë u plagosën në 96 incidente të bombardimeve nga separatistët pro-rusë në lindje gjatë 24 orëve të mëparshme. Ai tha se forcat separatiste përdorën artileri të rëndë, mortaja dhe sisteme raketash Grad.
Sekretari amerikan i Shtetit Antony Blinken dhe ministri i Jashtëm francez Jean-Yves Le Drian anuluan takimet e planifikuara të veçanta me homologun rus Sergei Lavrov të martën pasi javë të tëra diplomacie të furishme nuk i dhanë fund krizës.
Planet e shpallura nga Biden për të forcuar Estoninë, Letoninë dhe Lituaninë përfshijnë dërgimin e 800 ushtarëve të këmbësorisë dhe tetë avionëve luftarakë F-35 në vendndodhje, përgjatë krahut lindor të NATO-s, tha një zyrtar amerikan. Megjithatë të gjitha këto lëvizje janë një rishpërndarje forcash, jo shtesa të njëmendëta.
Putin nuk e ndoqi fjalimin e Biden dhe Rusia së pari do të shikojë atë që Shtetet e Bashkuara kanë përshkruar përpara se të përgjigjet, sipas zëdhënësit të Kremlinit Dmitry Peskov, citojnë agjencitë ruse të lajmeve.
Putin tha se ai ishte gjithmonë i hapur për të gjetur zgjidhje diplomatike, por se “interesat e Rusisë dhe siguria e qytetarëve tanë janë të pakushtëzuara për ne”.
Moska po bën thirrje për garanci sigurie, duke përfshirë një premtim se Ukraina nuk do të bashkohet kurrë me NATO-n, ndërsa Shtetet e Bashkuara dhe aleatët e saj i ofrojnë Putinit hapa për ndërtimin e besimit dhe kontrollin e armëve për të zbutur ngecjen.
Ndërkohë në 24 orët e fundit është raportuar për luftime të ashpra, ku sipas burimeve zyrtare është konfirmuar vdekja e 1 ushtari dhe plagosja e 6 të tjerëve nga pala ukrainase./A.K/FolDrejt/
