Ministria turke e Mbrojtjes ka publikuar fotografitë nga ceremonia e dorëzimit të fluturakeve të reja, që i janë dorëzuar Komandës së Aviacionit të Turqisë.
Pas dorëzimit, inventari i dronëve të marinës turke u rrit dukshëm, dy Aksungur UCAV, dhjetë TB2-Bayraktar UCAV, katër ANKA-S UAV dhe katër ANKA-B UAV, transmeton Telegrafi.
Kreu i forcave ajrore turke, Temel Kotil, tha gjatë një interviste dhënë në shkurt të këtij viti, se gjithsej 5 Aksungur UCAV janë dorëzuar dhe do të përdoren nga marina turke – forcat ajrore dhe për misione speciale.
Marina turke ka siguruar Aksungurin e parë në tetor të vitit ë kaluar. E tani ka rritur kapacitetet. Aksungur mund të përdoret për misione të ndryshme, vëzhgim, misione sulmuese dhe ka fleksibilitet operacional.
Më poshtë ju sjellim karakteristikat e fluturakeve të reja pa pilot të ushtrisë turke:
Aksungur:
Gjerësia e krahëve: 24 metra
Gjatësia e trupit: 11.6 metra
Qëndrueshmëria në ajër: 50 orë fluturimi, 750 kilogramë arsenal
Motori: 2 x PD-170 turbo-diesel (170 kuaj-fuqi secili prej motorëve)
Pesha e përgjithshme 3300 kilogramë
Anka:
Gjerësia e krahëve: 17.5 metra
Gjatësia e trupit: 8.6 metra
I lartë: 3.25 metra
Qëndrueshmëria në ajër: mbi 30 orë, mbi 350 kilogramë arsenal
Motori: 1 x PD-170 turbo-diesel
Pesha e përgjithshme: 1700 kilogramë.
