Kievi njoftoi sot se forcat ukrainase rimorën qytetin Kupyansk, në Ukrainën lindore , në rajonin e Kharkiv . Ky qytet kishte rënë në duart e rusëve shumë muaj më parë.
Forcat speciale ukrainase kanë postuar foto në faqet e rrjeteve sociale që tregojnë anëtarët e tyre “në Kupyansk që ishte dhe do të jetë gjithmonë ukrainas”. Një zyrtar lokal nga ana e tij publikoi një foto të ushtarëve ukrainas në këtë qytet me 27,000 banorë , me mbishkrimin: “Kupyansk është Ukraina “, shkruan protothema, transmeton Fol Drejt.
Shërbimi i Sigurimit Shtetëror (SBU) konfirmoi se njësitë e tij hynë në qytet.
Kupyansk është një qendër hekurudhore në rrugën drejt Iziumit të pushtuar , nga ku Moska ka nisur disa nga operacionet e saj kryesore në rajonin pjesërisht të pushtuar të Donetsk, kapja e plotë e të cilit është një prioritet kyç për Kremlinin.
Një zyrtar rus i okupimit tha të premten se civilët po evakuoheshin nga Kupyansk dhe Izium. Ministria e Mbrojtjes e Rusisë postoi pamjet e kamionëve dhe automjeteve të blinduara që po shkonin drejt rajonit të Kharkiv.
Instituti për Studimin e Luftës, me qendër në SHBA, parashikoi gjithashtu se forcat ukrainase do të rimarrë Kupyansk brenda 72 orëve. Në një rast të tillë forcat ruse në Izium do të kërcënoheshin me rrethim dhe për këtë “do të ishte një goditje e madhe për rusët në Donetsk”, sipas këtij institucioni./FolDrejt/
