Të paktën 185 refugjatë Rohingya kanë zbarkuar në provincën më veriore të Indonezisë, Aceh, pasi kanë lëvizur në det për javë të tëra, thanë policia dhe aktivistët e të drejtave të njeriut, shkruan Al Jazeera, përcjell Fol Drejt.
Varka doli në breg në fshatin Ujong Pie të hënën, një ditë pasi një anije prej druri me 57 refugjatë Rohingya zbarkoi në një pjesë tjetër të Aceh me 25 dhjetor.
“Grupi përbëhet nga 83 burra, 70 gra dhe 32 fëmijë”, tha në një deklaratë zëdhënësi i policisë së Aceh, Winardy. Një video e shpërndarë nga një banor lokal tregonte refugjatët Rohingya, përfshirë fëmijë, të shtrirë në plazh, dukshëm të dobët dhe të rraskapitur. Agjencia e OKB-së për refugjatët UNHCR ka thënë se numri i Rohingya-ve që ndërmerrnin udhëtime të tilla të rrezikshme me varkë ishte gjashtëfishuar këtë vit, krahasuar me vitin 2021. Ajo u bëri thirrje qeverive në rajon që të lëvizin me shpejtësi për t’i shpëtuar ata. Të martën, OKB tha se të paktën 20 Rohingya kanë vdekur në det javët e fundit.
Më shumë se një milionë muslimanë Rohingya kanë ikur nga persekutimi në Myanmar me shumicë budiste që nga viti 2017, shumica e tyre ende lëngojnë në dhjetëra kampe refugjatësh në Bangladeshin fqinj.
Grupet e të drejtave të njeriut kanë regjistruar një rritje të konsiderueshme në numrin e largimit nga kampet, nga rreth 500 vitin e kaluar në rreth 2,400 këtë vit. Nuk është e qartë se çfarë e shtyn eksodin më të madh.
Disa aktivistë besojnë se heqja e kufizimeve të COVID rreth Azisë Juglindore, një destinacion i favorizuar për Rohingya, mund të jetë një faktor. /FolDrejt/
