Rajoni Kherson i Ukrainës jugore ka vazhduar të jetë nën bombardime të mërkurën, ndërsa sulmet në zonë janë intensifikuar, shkruan Sky News, transmeton Fol Drejt.
Tre persona u plagosën nga bombardimet në fshatin Kizomys, tha në një deklaratë nënkryetari i Zyrës së Presidentit Kyrylo Tymoshenko.
Një nga viktimat ishte një fëmijë 14-vjeçar, tha ai, duke shtuar se të tre viktimat u dërguan me urgjencë në spital.
Sulmet me raketa në Kherson filluan rreth orës 7 të mëngjesit me kohën lokale të së mërkurës dhe pasuan një ditë kur mbi 50 raketa ranë në rajon.
Granatimet janë intensifikuar në jug, pavarësisht se trupat ruse u tërhoqën nga qyteti Kherson dhe një pjesë e brigjeve të lumit Dnipro në nëntor.
Raportet nga vendasit kanë vënë re mbi 80 raketa që godasin qytetin vetëm në 24 orë. Ndërkohë njerëzit po ikin me qindra./FolDrejt/
