Shtetet e Bashkuara kanë futur në listën e zezë ish-presidentin e Paraguajit, Horacio Cartes, për përfshirje të dyshuar në korrupsion dhe lidhje me grupet terroriste.
Departamenti Amerikan i Shtetit sanksioni Cartes dhe tre fëmijët e tij të rritur për korrupsion, duke e akuzuar atë për pengim të një hetimi penal ndërkombëtar. Cartes shërbeu si president i vendit të Amerikës së Jugut nga 2013 deri më 2018.
“Ish-Presidenti Cartes pengoi një hetim të madh ndërkombëtar për krimin transnacional për të mbrojtur veten dhe bashkëpunëtorin e tij kriminal nga ndjekja e mundshme dhe dëmtimi politik”, tha në një deklaratë Sekretari i Shtetit, Antony Blinken.
“Këto veprime minuan stabilitetin e institucioneve demokratike të Paraguajit duke kontribuar në perceptimin publik të korrupsionit dhe mosndëshkimit brenda zyrës së Presidentit të Paraguait”.
Blinken akuzoi gjithashtu Cartes për përfshirje me organizata të huaja terroriste dhe entitete të tjera të përcaktuara nga ShBA, pa i përmendur ato.
Brazili lëshoi një urdhër arresti kundër Cartes në vitin 2019, mbi akuzat për pastrim parash. Ish-presidenti mohoi akuzat dhe tha se do të vihej në dispozicion për një hetim në Paraguaj.
Cartes, një manjat biznesi, konsiderohet të jetë një nga njerëzit më të pasur në Paraguaj, raporton AlJazeera, transmeton Klankosova.tv.
