Në qendrën e vaksinimit “1 Tetori” në Prishtinë ku është duke vazhduar vaksinimi anti COVID-19 për personelin shëndetësor për tërë Kosovën, vetëm sot janë vaksinuar rreth 200 persona.
Kështu tha në një konferencë për media, koordinatori i qendrës së vaksinimit “1 Tetori”, Niman Bardhi.
Sipas tij, sot shënohet dita e shtatë e vaksinimit të personelit shëndetësor e cila ka filluar nga data 5 maj.
“Jemi në ditën e shtatë me radhë nga 5 maji e tuje mbi procesin e vaksinimit në sallën 1 tetori. Aktualisht për sot kemi mbi 200 të vaksinuar, edhe sot kemi vazhduar me personelin shëndetësor. Deri më sot kemi kaluar mbi 4000 doza të vaksinës Pfizer në sallën “1 Tetori”.
Ndërkaq, Bardhi gjithashtu theksoi se procesi i vaksinimit është duke funksionuar shumë mirë.
