Një nënë e re që i nënshtrohej trajtimit IVF vdiq “papritmas” për shkak të një ndërlikimi jashtëzakonisht të rrallë, kanë zbuluar ekspertët, shkruan The Sun, përcjell Fol Drejt.
23-vjeçarja nga Delhi, Indi, kishte qenë e shëndetshme kur shkoi në spital për procedurën e mbledhjes së vezëve.
Por mjekët thonë se zemra e saj pushoi së rrahuri kur mjekët e fertilizimit u përpoqën t’i merrnin vezët e saj.
Analizat pas vdekjes kanë treguar se ajo vdiq nga një gjendje e rrallë – sindroma e hiperstimulimit ovarian (OHSS).
Kjo sindromë prek një në tre gra që i nënshtrohen IVF – por më pak se një për qind e rasteve përfundojnë si të rënda.
Hiperovulacioni i referohet prodhimit dhe lëshimit të më shumë se një veze gjatë një cikli menstrual.
Hiperovulacioni mund të ndodhë natyrshëm ose të stimulohet nëpërmjet trajtimeve hormonale për qëllime të dhurimit të vezëve në riprodhimin e palëve të treta.
Mjekët thonë se ajo ishte një “grua e re e shëndetshme” përpara se të fillonte IVF.
Ajo kishte filluar stimulimin e vezoreve dhe pas 11 ditësh, pacientja shkoi në spital për mbledhjen e vezëve.
Ajo u qetësua dhe mjekët filluan të mbledhin vezë nga vezoret e saj duke përdorur një gjilpërë.
Por papritmas presioni i gjakut, rrahjet e zemrës dhe nivelet e oksigjenit të pacientes ranë dhe mjekët nuk mund të gjenin rrahjet e zemrës së saj.
Gjatë një autopsie ata zbuluan se vezoret e saj ishin rreth tre herë më të mëdha se sa duhej të ishin.
Ekspertët arritën në përfundimin se ajo kishte vdekur nga edemë pulmonare akute që u shkaktua nga OHSS dhe çoi në arrest kardiak.
Sarah Norcross, drejtore e shoqatës bamirëse të fertilitetit Progress Educational Trust (PET), tha për MailOnline: “Tek donatorët e vezëve, rreziku i vdekjes nga OHSS është jashtëzakonisht i rrallë.
“Është e rëndësishme të ndajmë lajmin se kjo ka ndodhur dhe të fillojmë hetimin për vdekjen e dhuruesit të vezëve, në mënyrë që të gjithë që punojnë në sektorin e fertilitetit të mund të mësojnë prej saj.
“Kjo gjithashtu mund t’i bëjë specialistët e fertilitetit të reflektojnë se si ata këshillojnë donatorët e vezëve për rreziqet e përfshira në këtë proces.” /FolDrejt/
