Një person është gjobitur nga policia pas vënies së dritave rrotative në automjetin e tij, me qëllim përparësie kalimi.
Siç njofton policia, personi është identifikuar gjatë ditës së djeshme dhe ndaj të njëjtit është shqiptuar gjoba prej 500 eurosh për vendosjen e dritave të tilla, kundërvajtje kjo e cila shparashihet me dispozitat e Ligjit për Rregullat e Trafikut Rrugor.
“Policia në Mitrovicë, gjatë ditës së djeshme gjatë kontrollit të trafikut rrugor në rrugën ‘Sami Gashi” kanë identifikuar një veturë me targa vendore e cila ishte e pajisur me dritën rrotative të automjeteve me përparësi kalimi, pa poseduar autorizim përkatës .
Ndaj drejtuesit të automjetit është shqiptuar gjoba prej 500 euro për vendosjen e dritave të tilla, kundërvajtje kjo e cila parashihet me dispozitat e Ligjit për Rregullat e Trafikut Rrugor.
Policia do të vazhdoj me marrjen e masave ligjore ndaj të gjithë kundërvajtësve të cilët bien ndesh me rregullat e trafikut me qëllim të ofrimit të sigurisë për të gjithë pjesëmarrësit në trafikun rrugor”, thuhet në njoftimin e Policisë së Kosovës./FolDrejt/
