Ministria e Kulturës nëpërmjet një komunikate për media ka treguar se tashmë dy ndër projektet e saj “Strategjia Shtetërore për Rini 2024-2032 dhe Plani i Veprimit 2024-2026, kanë hyrë në fazën fillestare të hartimit, shkruan Fol Drjet.
“Strategjia Shtetërore për Rini 2024-2032 dhe Plani i Veprimit 2024-2026, ka hyrë në fazën fillestare të hartimit. Procesi është prezantuar sot para krerëve institucional, partnerëve strategjik, deputetëve, zëvendësministrave, shoqërisë civile dhe pjesëmarrësve nga sektori i rinisë” – thuhet ndër të tjera në komunikatën e MKRS-së.
Në një ceremoni të mbajtur sot, këto dy projekte janë lavdëruar edhe nga kreu i qeverisë.
“Kryeministri Kurti e vlerësoi atë si dokumentin kryesor orientues afatgjatë për qeverinë karshi rinisë ngase është strategji që na orienton drejt zhvillimit dhe është një mjet reform për politikbërje ndërsektoriale.
Ministri Çeku riktheksoi se hartimi i këtij dokumenti që do të na tregoj shtegun drejt zhvillimit të qëndrueshëm për të gjithë të rinjtë, po bazohet në studimet e fundit dhe praktikat më të mira në dispozicion.
Koncept dokumenti është artikuluar në mënyrë shumë konstruktive për tejkalimin e sfidave me të cilat përballen të rinjtë në vend, shtoi Arnhild Spence, koordinatore e UNKT-së për Kosovë.
I tërë procesi është rezultat i MKRS në bashkëpunim me Zyrën e Kryeministrit, me mbështetje të UNKT, në veçanti UNDP, UNICEF, UNFPA dhe IOM.”/FolDrejt/
