Në një intervistë për median austriake “Der Standard”, kryeparlamentari Kadri Veseli, ka hedhur poshtë çdo shkëmbim territoresh me Serbinë dhe se shqiptarët e serbët mund të jetojnë në paqe me kufijtë ekzistues.
“Ne jemi një vend i pavarur dhe ne nuk diskutojmë për territore dhe mbi sovranitetin tonë,” tha fillimisht Veseli. “Nuk ka veri dhe jug në vendin tim, Kosova është vend perëndimor. Ne ndjekim vetëm atë që shkruhet në Kushtetutë.”
Më tej Veseli tha se e dijë çdo të thotë të ishe minoritet më parë, por do punojë maksimalisht që atë vuajtje të mos e shijojnë fëmijët e tyre dhe serbët e Kosovës. Ai gjithashtu po punon edhe për atë që arritja e marrëveshjes mes Prishtinës dhe Beogradit të vendoset me referendum.
Kurrë Republika Srpska në Kosovë
Në intervistë kryeparlamentari ka përmendur edhe rastin e Bosnjës, që një ndarje eventuale e Kosovës do kishte sinjale negative në gjithë rajonin – andaj e kundërshton një gjë të tillë – por njëherësh, Veseli tha se “kurrë nuk do lejonte një art të Republika Srpska në Kosovë”, që do kishte veto mbi zhvillimet e saj.
Në lidhje me tarifën 100 përqind për produktet serbe, Veseli thotë se Serbia nuk ka respektuar marrëveshjen e 2013, veçanërisht në lidhje me energjinë dhe sektorin e elektricitetit.
“Kosova ka investuar 70 milion euro në lidhjet e rrymës, megjithatë Serbia e bllokon prej vitesh këtë dhe qytetarët duhet të gjobiten,” tha ai, përcjell foldrejt.com.
Siç dihet, qytetarët serbë në very të Kosovës nuk paguajnë rrymë.
Në fund Veseli kritikoi Serbinë që po Lufton serbët që duan të integrohen në Kosovë dhe duke financuar në strukturat paralele, por gjithashtu ai kritikoi edhe Bashkimin Europian, që e ka izoluar Kosovën sa u takon vizave.
“Ku është dinjiteti i Europës, ku janë vlerat?,” pyet ai. “ Europa ndodhet në një krizë” por duhet të tejkalojë krizën me Kosovën me 1.6 milion banorë dhe që është vendi më pro-europian.
“Ky është më shumë sesa turp. Duhet të luftohet kjo politikë populliste dhe të sjellet nën kontrollë – përndryshe duhet të flitet për aftësitë ekzistuese të BE”, e përmbylli deklaratën Veseli.
