Zëvendësministër i Bujqësisë, Pylltarisë dhe Ekonomisë së Ujërave në Maqedoninë e Veriut, Abdylshyqyr Abedini ka thënë se buxheti i bujqësisë për vitin e ardhshëm do të jetë buxhet zhvillimor, shkruan Fol Drejt.
Përmes një video adresimi, ai tha se buxheti i vitit të ardhshëm do të jetë gjithpërfshirës.
“Sektori i bujqësisë është një shtyllë themelore për të garantuar se edhe në vitin tjetër do të ketë ushqim të mjaftueshëm për të gjithë qytetarët”, tha Abedini.
Tutje ai vazhdoi të bëjë një rezyme të sukseseve të arritura në kuadër të ndihmës ndaj bujqve dhe aktiviteteve aktuale të ministrisë.
“Ne edhe vitin e ardhshëm do të vazhdojmë me politika progresive, kështu vitin tjetër do të fillojmë me reformën më të madhe historike të mbështetur me një buxhet të madh historik, sepse bujqit e meritojnë këtë. Këtu dua t’iu njoftoj se në 2023 buxheti i përgjithshëm në sektorin e bujqësor është 11.9 miliardë denarë, që është për 2.7 miliardë denarë më shumë se ai i vitit 2022” tha zëvendësministri Abedini.
Abedini vazhdoi me shpalosjen e planeve të detajuara të ministrisë për vitin 2023, duke theksuar se ministria do të fokusohet në disa shtylla: reformat në bujqësi, bizneset e vogla familjare, investimet kapitale dhe modernizimi. /FolDrejt/
Fjalimi i plotë:
