Dronët e prodhuar nga Irani kanë krijuar një reputacion të frikshëm në luftën Rusi-Ukrainë. Ndërsa këta dronë nuk janë aq të sofistikuar teknologjikisht sa ata amerikanë, izraelitë, kinezë, apo edhe disa dronë të prodhuar nga Rusia, Moska i përdor ata në mënyrë efektive për të shkatërruar pozicionet e Ukrainës, shkruan Fol Drejt.
Kievi u trondit më 17 tetor nga vala e re e sulmeve ajrore të kryera nga Rusia, e cila i vuri në përdorim dronët kamikazë të prodhimit iranian që vranë të paktën katër persona.
Ministria e Jashtme e Ukrainës tha më 17 tetor se vetëm në javën e fundit, ushtria ruse ka goditur me mbi njëqind dronë kamikazë iranianë kundër ndërtesave të banimit, termocentraleve, impianteve të trajtimit të ujërave të zeza, urave dhe këndeve të lojërave në disa qytete të Ukrainës.
Forcat e armatosura iraniane dihet se operojnë më shumë drone të armatosur se shumë vende të tjera që kanë dyfishin e buxhetit të tyre të mbrojtjes, pa çka që prej kohësh ndodhet nën sanksione perëndimore.
Bazuar në raporte të ndryshme mediatike dhe prova nga Ukraina, Rusia duket se ka marrë dy lloje dronësh nga Irani, seritë Mohajer-6 dhe Shahed-të, të cilët mund të përdoren për të kryer sulme, luftë elektronike dhe goditje tragetesh në mënyrë direkte.
Ndërsa Irani ka disa UAV në inventarin e tij, Mohajer-6, i cili thuhet se i është dorëzuar Rusisë, është një nga dronët luftarakë më të mirë të Iranit.
I fundit në serinë e dronëve Mohajer, Mohajer-6, mund të fluturojë deri në 18,000 këmbë në ajër, që tejkalon gamën e shumë sistemeve të mbrojtjes ajrore me rreze të shkurtër për sa i përket lartësisë. Droni ka një distancë maksimale prej rreth 200 kilometrash me qëndrueshmëri 12-orëshe.
Sipas faqes së internetit të Komandës së Trajnimit dhe Doktrinës së Ushtrisë Amerikane (TRADOC), Mohajer-6 është një UAV i Inteligjencës, Mbikëqyrjes, Përvetësimit të Objektivave dhe Zbulimit (ISTAR) i aftë të mbajë një ngarkesë mbikqyrjeje multispektrale dhe deri në dy municione të drejtuara me saktësi.
Armatimi i dronit përbëhet nga dy pika të forta, një nën çdo krah, të dizajnuara për të mbajtur një bombë rrëshqitëse Qaem TV/IR ose një raketë Almas. Sipas disa raporteve të pakonfirmuara, ka edhe variante të Mohajer-6 me katër pika të forta, dy nën çdo krah, të aftë për të mbajtur të njëjtat municione.
Forcat ukrainase rrëzuan dronin e parë Mohajer-6 të fluturuar nga forcat ruse më 23 shtator mbi Detin e Zi.
Raportet fillestare sugjeruan se njësitë e dërguara në Rusi, mund të kenë përfshirë dronët Shahed-129 dhe Shahed-191, bazuar në imazhet e fundit satelitore që supozohet se tregojnë zyrtarët rusë duke parë këta dy dronë në bazën ajrore të Kashan të Iranit, përpara blerjes së raportuar.
Megjithatë, deri më tani, prova të besueshme nga Ukraina kanë qenë kryesisht të dronëve kamikaze Shahed-136 që përdoren nga forcat ruse kundër pozicioneve ukrainase. Droni thuhet se ka një rreze veprimi prej rreth 2500 kilometrash dhe mund të mbajë koka luftarake që peshojnë nga pesë deri në tridhjetë kilogramë.
Krahasuar me Mohajer-6, forcat ruse duket se po përdorin më shpesh Shahed-136, sipas dëshmive në Ukrainë.
Dronët kamikazë iranianë, një kërcënim i madh për Ukrainën
Siç raportohet nga EurAsian Times, dronët kamikazë Shahed-136 janë bërë një sfidë e vështirë për Forcat e Armatosura të Ukrainës.
Ushtria ruse ka kryer me sukses sulme të shumta duke përdorur këto dronë, kundër pozicioneve ukrainase të vendosura deri në Kiev, thellë pas vijave të frontit ukrainas në pjesën lindore të vendit.
Raportet nga Ukraina sugjerojnë se dronët kanë dëmtuar rëndë forcat e armatosura dhe infrastrukturën ukrainase.
Shahed-136 është një mjet ajror shumë i vogël, i thjeshtë, i ulët dhe me fluturim të ngadaltë i pajisur me një motor të thjeshtë pistoni që drejton një helikë druri, më shumë si një avion model sesa një armë lufte – thonë ekspertët e armëve.
Megjithatë, përdorimi i tyre, duket të jetë shumë jetik për ruajtjen e pozicioneve ruse në Ukrainë. Deri më tani, të paktën zyrtarisht, të dy palët: Rusia dhe Irani, e kanë mohuar të kenë gisht në këtë ndërmjarrje të tillë./FolDrejt/
