Administrata Biden është zotuar se do ta furnizojë ushtrinë ukrainase me raketa anti-tank të quajtura “Javelin”.
Saktësisht ajo ka premtuar se do t’ia dorëzojë ushtrisë ukrainase 5500 të tilla, transmeton Fol Drejt.
Vetë Presidenti i Shteteve të Bashkuara të Amerikës (ShBA), Joe Biden, ishte në një vizitë së fundi në fabrikën e armëve Lockheed Martini të martën që iku dhe nga atje dha një deklaratë kërcënuese për ushtrinë ruse.
“Ju po u krijoni mundësi ukrainasve që të mbrohen dhe sinqerisht ata po i bëjnë për budallenj ushtarët rusë në shumë raste,” citohet të ketë thënë Biden në ambientet e fabrikës në Troy, Alabama.
Por çfarë janë këto raketa?
Javelin posedojnë një rreze veprimi mjaft të lartë, ndërsa mund të komandohen nga një hedhëse nga distanca, e cila mund të manipulohet vetëm nga një ushtar.
Kjo po i bënë ato shumë të rrezikshme, meqë ushtari që e bartë hedhësen, vështirë mund të detektohet i vetëm.
Në luftën e Ukrainës, sipas raportimeve nga terreni, mjaft tanke ruse janë shkatërruar nga këto raketa./FolDrejt/
