Evropa është kapluar nga zjarri, ndërsa prej shumë vendeve janë duke u raportuar viktima të shumta nga temperaturat e larta. Shumë prej vendeve, për shkak të gjendjes së krijuar, kanë shpallur situatë emergjente, shkruan Fol Drejt.
Temperaturat e larta kanë bërë që Evropa të përfshihet nga flakët gjigante, të cilat po djegin mijëra hektarë toka të mbjella dhe pyje. Zonat më të prekura janë Spanja, Franca dhe Italia.
Mediat ndërkombëtare kanë transmetuar pamjet e një burri, të cilësuar hero, i cili për pak u dogj mes flakëve teksa përpiqej të shpëtonte të mbjellat e fshatit nga zjarri. Ai shkoi me një eskavator për të hapur kanal mes flakëve dhe zonës së padjegur, por pa e kuptuar u rrethua prej tyre duke mbetur i ngecur aty.
Bëhet fjalë për Angel Martin Arjona, i cili përjetoi momentet e frikshme të cilat u regjistruan në video.
Sipas mediave spanjolle, deri më tani kanë ndërruar jetë dy persona, një zjarrfikës 62-vjeçar dhe një burrë 69-vjeçar.
Sivjet përmasat e sipërfaqeve të djegura nga zjarret e shkaktuara nga temperaturat, janë dyfish më të mëdha se sa viteve të kaluara./FolDrejt/
WARNING: GRAPHIC CONTENT – Video footage shows Angel Martin Arjona, a Spanish man who was trying to safeguard his town from a wildfire, having a close brush with death when a wildfire engulfed his excavator https://t.co/8WhaHK7nit pic.twitter.com/yyUm3ucGah
— Reuters (@Reuters) July 19, 2022
