Një ekip hungarez i shpëtimit nxori të gjallë një foshnjë 18 muajshe nga rrënojat e një ndërtese të shembur në Turqinë jugore të goditur nga tërmeti të mërkurën, shkruan Anadolu Agency, përcjell Fol Drejt.
Foshnja e lënduar, e cila u shpëtua në Hatay, një nga 10 provincat e goditura nga tërmetet e së hënës, u dërgua në spital.
“Së bashku me institucionet lokale dhe vullnetarët, ekipet hungareze të kërkim-shpëtimit kanë shpëtuar deri më tani 24 persona”, tha ambasadori hungarez në Ankara, Viktor Mattis në Twitter.
Disa fluturime nga Hungaria kanë mbërritur që nga e marta me ekipe kërkimi dhe shpëtimi.
Gati 12,900 njerëz u vranë dhe 63,000 u plagosën nga dy tërmete të forta që goditën Turqinë jugore të hënën, sipas shifrave të fundit zyrtare të publikuara të enjten.
Tërmetet me magnitudë 7.7 dhe 7.6, me qendër në provincën Kahramanmaras, u ndjenë nga 13 milionë njerëz në 10 provinca, duke përfshirë Adana, Adiyaman, Diyarbakir, Gaziantep, Hatay, Kilis, Malatya, Osmaniye dhe Sanliurfa.
Disa vende në rajon, përfshirë Sirinë dhe Libanin, ndjenë lëkundje të forta që goditën Turqinë në më pak se 10 orë. /FolDrejt/
