Aktivistët italianë të klimës nga grupi Last Generation përdorën aparate zjarri për të spërkatur ngjyrë portokalli në murin e Palazzo Vecchio-s së famshme në Firencë, raporton Klix, përcjell Fol Drejt.
Sipas fotove dhe videove, aktivistët nxorën fikëse zjarri të mbushura me ngjyrë nga çantat e shpinës dhe spërkatën muret e ndërtesës historike. Në vendngjarje kanë mbërritur menjëherë efektivët e policisë të cilët i kanë ndaluar.
Së bashku me policinë është shfaqur edhe kryetari i bashkisë së qytetit, Dario Nardella, i cili ka goditur aktivistin dhe e ka hequr nga muri i godinës. Më pas, efektivët e policisë kanë vënë në pranga aktivistët. Në regjistrim dëgjohet kryetari i bashkisë duke u bërtitur të rinjve të kapur “Çfarë dreqin po bëni”.
Ngjarja ka ndodhur ditën e premte, më 17 mars. Në rrjetet sociale janë shfaqur video që tregojnë kryebashkiakun në veprim. Pak më vonë kryetari i bashkisë mori pjesë në pastrimin e objektit. Palazzo Vecchio është një ndërtesë e shekullit të 14-të dhe sot strehon bashkinë e qytetit. /FolDrejt/
The Mayor of Florence, Dario Nardella, lost his temper with a climate activist who was vandalizing the ancient Palazzo Vecchio with paint.
Palazzo Vecchio is the city’s old town hall and was built in 1299.
— Visegrád 24 (@visegrad24) March 20, 2023
